Fréttir

,,Leiðin liggur vestur með suðurströnd Noregs"

Um hádegisbil í gær lagði nýsmíðin Páll jónsson GK 7 af stað frá höfninni í Gdansk. Að sögn Gísla V. Jónssonar, skipstjóra hefur ferðin gengið vel. ,,Enn er ágætt veður vestan/suðvestan 10-16 m/s. Við erum núna að sigla á milli Danmerkur og Svíþjóðar og eigum stutt eftir í Kattegat. Við verðum komnir fyrir Skagen um kl 4 í nótt. Þá liggur leiðin vestur með suðurströnd Noregs.” Um borð eru Ingibergur Magnússon yfirvélstjóri, Valgeir Sveinsson vélstjóri, Hannes Svavarsson kokkur, Gísli V. Jónsson skipstjóri, Benedikt Páll Jónsson stýrimaður og Willum Andersen vélstjóri og eftirlitsmaður útgerðarinnar á smíðatímanum. Við sendum bestu kveðjur til áhafnarinnar og bíðum spennt eftir komu þeirra.
Lesa meira

Landfestar leystar á nýjum Páli Jónssyni í dag!

Í dag voru landfestar leystar á nýjum Páli Jónssyni í Gdansk og ferðinni heitið í hans fyrstu siglingu yfir hafið til heimahafnar í Grindavík. Áætlaður siglingartími veltur á veðurskilyrðum en búist er við að það taki skipið um 5-7 daga. Væntanlegur komutími til Grindavíkur er þá á milli næstkomandi sunnudags og þriðjudags en upplýst verður um nánari dagsetningu þegar nær dregur. Þetta er stór stund í sögu fyrirtækisins og mikil eftirvænting ríkir eftir komu skipsins. Hægt er að fylgjast með siglingunni á linknum hér að neðan. https://www.marinetraffic.com/en/ais/details/ships/shipid:5981536/mmsi:251372000/imo:9847827/vessel:PALL_JONSSON/_:2cc9765e2a2d87f2827084e9d8fd9f1a
Lesa meira

Gleðileg jól !

Við sendum starfsfólki okkar, viðskiptavinum og landsmönnum öllum hugheilar jóla- og áramótakveðjur. Jólin hafa hægt og rólega byrjað að minna á sig í Vísi síðustu vikur. Hið árlega jólaball Vísis var haldið fyrir börnin á þriðja sunnudegi í aðventu þar sem Guðbrandur Einarsson spilaði fyrir söng og dansi líkt og síðustu ár. Síðasta fimmtudag var svo jólaþema og margir starfsmenn mættu í jólapeysum og með fylgihluti. Ath. Skrifstofan verður lokuð milli jóla og nýárs og lágmarksstarfssemi haldið úti í húsinu.
Lesa meira

Skrifstofan verður lokuð milli jóla og nýárs

Skrifstofan verður lokuð milli jóla og nýárs en lágmarksstarfsemi verður haldið úti í húsinu svo starfsmenn geti notið hátíðarinnar með fjölskyldum sínum. Við óskum starfsfólki okkar, viðskiptavinum og landsmönnum öllum gleðilegra jóla, árs og friðar og þökkum samstarfið á liðnu ári.
Lesa meira

Nýsmíðin Páll Jónsson afhent eigendum við formlega athöfn í Gdansk í dag.

Nýsmíðin Páll Jónsson var formlega skírt og afhent eigendum við hátíðlega athöfn í Gdansk í dag þar sem eigendur, starfsmenn og fleiri voru komnir saman til að fagna og skoða nýja skipið. Eins og fyrr hefur verið sagt er þetta fyrsta nýsmíðin af þessarri stærðargráðu í rúmlega 50 ára sögu Vísis og við fyrstu sýn eru eigendur ánægðir með hvernig tókst til. Skipið er nefnt eftir föður Páls Hreins Pálsonar, aðalstofnanda Vísis, eða eins og flestir þekktu hann, sem Palli í Vísi. Þegar skipi er gefið nafn er sá vani á að slengja kampavínsflösku utan í kinnung þess svo úr freyði. Svanhvít Daðey Pálsdóttir, ein af systkinunum og eigendunum fékk titilinn guðmóðir skipsins og hjó hún á snúruna svo kampavínsflaskan small í og minnst var Alberts Sigurjónssonar, eiginmanns hennar sem lést í maí eftir harða baráttu við krabbamein og skyldi eftir stórt skarð í hjarta fyrirtækisins. Næst á dagskrá er að sigla skipinu í heimahöfn og mun skipið styðja enn betur við stefnu fyrirtækisins um ábyrgar veiðar, hátæknivinnslu og vörugæði sem leiðir til framleiðslu afurða úr fyrsta flokks hráefni.
Lesa meira

Dróninn fór í höfnina fyrir flugmannsmistök

Jón Steinar Sæmundsson er 49 ára gamalll uppalinn Grindavíkingur. Hann er fæddur vestur á Ísafirði árið 1969 en flutti ársgamall til Grindavíkur og býr hér með eiginkonu sinni Helgu Ólínu Aradóttur. Við í Vísi höfum hlotið þeirra gæfu að hafa hann starfandi hjá okkur í rúm 20 ár. Jón Steinar er orðinn þekktur fyrir ljósmyndahæfileika sína og Facebook síðuna Bátar og bryggjubrölt sem hann heldur úti. Bátar og bryggjubrölt fór í loftið fyrir um þremur árum og hefur aldeilis slegið í gegn og er með 5.500 fylgjendur. Auk þess hefur BBC beðið um að fá að nota myndefni frá honum í þáttum sínum um inn- og útflutning til Bretlands. Aðspurður segist Jón Steinar hafa farið á eitt ljósmyndanámskeið en sé að öðru leyti sjálflærður þar sem hann hefur eytt heilu kvöldunum og nóttunum í að fínpússa ýmis stillingaratriði.
Lesa meira

Codland tilnefnt til hvatningarverðlauna Sjávarútvegsstefnunnar og TM árið 2019

Þrjú fyrirtæki hafa verið valin úr hópi tilnefninga til að hljóta Hvatningarverðlaun Sjávarútvegsstefnunnar og TM árið 2019. Við mat á tillögum var litið til frumleika og áhrifa á virðisaukningu. Einnig var litið til áhrifa á ímynd íslensks sjávarútvegs, sjálfbærni og samstarfs. Codland sem var stofnað árið 2012 og er í eigu Vísis og Þorbjarnar var tilnefnt fyrir framtak sitt til að skapa verðmæti og atvinnu og tryggja þá ímynd enn fastar í sessi sem hefur einkennt íslenskan sjávarútveg um aukna nýtingu á hráefni til verðmætasköpunar. Niceland Seafood var einnig tilnefnt fyrir nýstárlegar leiðir í að bjóða upp á ferskan, íslenskan fisk með rekjanleikalausn sem sýnir neytandanum hvernig fiskurinn ferðast frá veiðum í verslanir/veitingarhús og Sjávarklasinn fyrir stuðning við nýsköpun og samvinnu hinna ýmsu aðila innanlands og utan. Mikill fókus hefur verið á sjálfbærni og hafa verkefnin stuðlað að auknu samstarfi fyrirtækja, menntastofnanna og ríkisstofnanna. Tilkynnt verður um vinningshafa verðlaunanna á Sjávarútvegsráðstefnunni sem haldin verður í Hörpu dagana 7. og 8. nóvember næstkomandi.
Lesa meira

Eigendur Vísis hf. og Þorbjarnar hf. í viðræðum um stofnun nýs sjávarútvegsfyrirtækis í Grindavík

Eigendur sjávarútvegsfyrirtækjanna Vísis hf. og Þorbjarnar hf. hafa hafið viðræður um að leggja eignir félaganna inn í nýtt fyrirtæki og standa saman að rekstri nýs sjávarútvegsfyrirtækis í Grindavík. Vísir og Þorbjörn eru rótgróin og öflug sjávarútvegsfyrirtæki, svipuð að stærð og hafa unnið talsvert saman. Eiga þau meðal annars félög saman á borð við Haustak, Codland og sölufyrirtæki á Grikklandi. Ef af verður, verður nýtt félag með rúmlega 44.000 tonn af aflaheimildum, um það bil 16 milljarða króna veltu og vel yfir 600 manns í vinnu. Markmið eigenda félaganna, sem allir verða áfram hluthafar, er að búa til nýtt og kröftugt fyrirtæki sem jafnframt getur fylgt eftir tækninýjungum og svarað aukinni kröfu markaðanna. Einnig mun hið nýja fyrirtæki tryggja bolfiskvinnslu og styrkja samfélagið í Grindavík enn frekar. Áætlað er að að samruni af þessu tagi taki allt að 3 árum og er ekki reiknað með uppsögnum í tengslum við hann, þó má að sjálfsögðu gera ráð fyrir breytingum á útgerðarháttum og mögulega einhverjum tilfærslum á störfum á þeim tíma. Gangi viðræður um stofnun nýs félags samkvæmt áætlun, má búast við að það taki til starfa um áramót, en þangað til verður rekstur fyrirtækjanna tveggja óbreyttur.
Lesa meira

Prófanir á nýja Páli Jónssyni eru á lokametrunum

Hér má sjá nýja Pál Jónsson sem er við höfn í Gdansk í Póllandi. Það styttist í komu skipsins til landsins en Kjartan Viðarson útgerðarstjóri Vísis tók meðfylgjandi myndir í síðustu ferð sinni út þar sem hann fylgdist með gangi mála. Samkvæmt Kjartani þá er skipið á lokametrunum í prófunum. ,,Þessa dagana er verið að gera prófanir á skipinu til þess að passa upp á að allt standist áður en skipinu er siglt heim. Það er allt að gerast og kemur vonandi í ljós í lok vikunnar nákvæmlega hvenær skipið kemur en svona ferli getur oft tekið lengri tíma en áætlað er. Við höfum brennt okkur á því að fá skipin of snemma heim t.d. þegar Sighvatur beið eftir fiskvinnslubúnaði og því að endanleg pappírsgerð kláraðist. Því verður passað upp á með nýja Pál Jónsson að þessi mál séu öll klár áður en það fer úr höfn.” Þetta er fyrsta nýsmíðin af þessarri stærðargráðu í rúmlega 50 ára sögu Vísis. Skipið mun hafa Mustad Autoline línukerfi frá Ísfell ehf. og verður þar með fyrsta íslenska skipið með sjálfvirku rekkakerfi sem léttir á álagi og vinnu um borð. Skaginn 3X sér um uppsetningu vinnslubúnaðar sem bætir alla aflameðhöndlun, svo sem blæðingu, kælingu, flokkun og frágang afla í lest. Verkefnið er að hluta til unnið í samstarfi við Marel sem mun meðal annars sjá um flokkara og annan búnað um borð. Það ríkir mikil tilhlökkun að fá nýja Pál Jónsson til landsins og mun skipið styðja enn betur við stefnu fyrirtækisins um ábyrgar veiðar, hátæknivinnslu og vörugæði sem leiðir til framleiðslu afurða úr fyrsta flokks hrá­efni.
Lesa meira

Prófanir á nýja Páli Jónssyni eru á lokametrunum

Hér má sjá nýja Pál Jónsson sem er við höfn í Gdansk í Póllandi. Það styttist í komu skipsins til landsins en Kjartan Viðarson útgerðarstjóri Vísis tók meðfylgjandi myndir í síðustu ferð sinni út þar sem hann fylgdist með gangi mála. Samkvæmt Kjartani þá er skipið á lokametrunum í prófunum þessa dagana. ,,Þessa dagana er verið að gera prófanir á skipinu til þess að passa upp á að allt standist áður en skipinu er siglt heim. Það er allt að gerast og kemur vonandi í ljós í lok vikunnar nákvæmlega hvenær skipið kemur en svona ferli getur oft tekið lengri tíma en áætlað er. Við höfum brennt okkur á því að fá skipin of snemma heim t.d. þegar Sighvatur beið eftir fiskvinnslubúnaði og því að endanleg pappírsgerð kláraðist. Því verður passað upp á með nýja Pál Jónsson að þessi mál séu öll klár áður en það fer úr höfn.” Þetta er fyrsta nýsmíðin af þessarri stærðargráðu í rúmlega 50 ára sögu Vísis. Skipið mun hafa Mustad Autoline línukerfi frá Ísfell ehf. og verður þar með fyrsta íslenska skipið með sjálfvirku rekkakerfi sem léttir á álagi og vinnu um borð. Skaginn 3X sér um uppsetningu vinnslubúnaðar sem bætir alla aflameðhöndlun, svo sem blæðingu, kælingu, flokkun og frágang afla í lest. Verkefnið er að hluta til unnið í samstarfi við Marel sem mun meðal annars sjá um flokkara og annan búnað um borð. Það ríkir mikil tilhlökkun að fá nýja Pál Jónsson til landsins og mun skipið styðja enn betur við stefnu fyrirtækisins um ábyrgar veiðar, hátæknivinnslu og vörugæði sem leiðir til framleiðslu afurða úr fyrsta flokks hrá­efni.
Lesa meira